طريقة رفع سرعة الانترنت لمشتركي خطوط الـ ADSL

كل مشتركي خطوط الـ ADSL بعانو من مشكله ضعف السرعه او ممكن انه مش الكل ملاحظها لانه بكون مشترك بسرعه عاليه بس رح يكتشفها لما ترتفع السرعه عنده

اولا رح ابدا بشرح سبب ضعف الاشاره وبعدين رح اشرح طريقة رفع السرعه

سبب ضعف الاشاره هو انه شركة الانترنت اللي مشتركين فيها لما بتمد خط الانترنت للبيت بتمده عن طريق عامود التلفون الي بالشارع وبتوصله لعند علبة التلفون اللي عملها الكهربجي لما عمل شبكة البيت او العماره

هاي الاسلاك رح توصل للمودم وهي ممدوده بالحيط وبالحيط بتمر مع نفس خطوط اسلاك الكهرباء والكهرباء كلنا بنعرف انها بتولد مجال بأثر على اللي حوليها 

هاذ المجال بأثر عالاشاره وبضعفها تدريجيا لغاية ما توصل لعند المودم

طبعا مقدار ضعف الاشاره بعتمد على طول المسافه اللي مشي فيها السلك لوصل المودم وكمية اسلاك الكهرباء اللي مار معهم بالحيط

الطريقه لتفادي هاي المشكله سهلة وبسيطه وغير مكلفه وشغلها بس نص ساعه

رح اشرحها بالخطوات والصور

الصوره الاولى
 

1- بنسحب السلكين الموصولات من خط التلفون تاع الشارع وبنشبكهم على كيبل cat 6 عن طريق التوصيله الموجوده بالصور 

هاي التوصيله بتخلي كيبل الـ cat 6 يعمل عمل خط التلفون الارضي ومثل ما بنعرف انه كيبل الـ cat 6 انعزاليته اكبر وتوصيله افضل وبهيك بنكون حلينا مشكلة العزل وتشتت الاشاره

الصوره الثانيه

2- حكينا انه كيبل الـ cat 6 صار بعمل عمل كيبل التلفون الارضي يعني صارت اشارته analog والمودم ما بستقبل بمداخله العاديه من الـ cat 6 اشارة الـ analog الا من مدخل التلفون الارضي فيه , مشان هيك بنشبكه على علبه وبنخليه عليها Female وبنجيب الـ ADSL Splitter وبنسحب اشاره اله من العلبه

3- بعد هيك بنشبك تفرع اشارة الـ Modem منه وبندخله في المودم مباشره ( في الصوره انا مدخله علبه و هاذ الاشي مش ضروري بس انا عامل هيك لانه التوصيله هاي بالدرج وعامل العلبه بره الدرج )

الصوره الثالثه

4- بنشبك السلك الثنائي على مدخله في المودم وبنشغل المودم

النتيجه = ارتفعت سرعة الانترنت عندي من 3.2 MB/s الى 7.3 MB/s

بنصح الكل يستعمل هاي الطريقه لانها مفيده ومش مكلفه كثير

بتمنى اكون فدت الجميع

Mohammad Abo3abed